УИХ-ын гишүүн Б.Энхбаяр өчигдөр /2025.09.24/  "Лхагвын тойм" нэвтрүүлэгт оролцох үеэрээ Ерөнхий сайд асан Л.Оюун-Эрдэнэ, найруулагч "Хэро" тодотголт Б.Баатар нарт холбогдох асуудлаар ярьсан. Ингэхдээ, "Хэро энтертаймент" оффисын барилгаа түрээслэхийн тулд эзнийг нь барьж хориулсан, м.кв-ыг нь 3 сая төгрөг болгон бууруулж авсан зэргээр ам нээсэн юм.

Тэгвэл тус нэвтрүүлэг цацагдсаны маргааш нь буюу өнөөдөр 2025.09.25 "Хэро" Б.Баатар хариу тайлбарыг цахим хуудсаараа дамжууллаа.

Тэрбээр "Хууль зүйн сайд байсан хүн "Би бодохдоо" гэж баримтгүй гүтгэлэг хийсэнд харамсаж байна. Хуулийн өмнө ярьсан зүйтээ нотлохыг хүсье. Иймд шүүхэд хандаж буйгаа илэрхийлж байна.

УИХ-ын гишүүн Б.Энхбаяртай сэтгүүлч Н.Өнөрцэцэгийг өмөөрөн маргалдсанаас өөр зөрчил байхгүй билээ.

Ерөнхийлөгч Ц.Элбэгдорж засаглаж байхдаа улс төрийн зорилгоор "Хэро"-д тагнуул, цагдаа оруулж, Ерөнхийлөгч асан Н.Энхбаярын хар материал, дүрсийг хулгайлан цацаж, "Хэро" бичлэг тараасан мэтээр харлуулж байсан хар өдрүүд давтагдаж байгаад харамсаж байна" гэлээ.