Цөлжилтийг бууруулж, гүний усыг хамгаалах агуулгаар ямар ч төсөв тавиагүй. Энэ нь хэд хэдэн хуулийг зөрчиж байгаа. Иймд COP17 хурлыг зохион байгуулах багийнхан тэргүүтэй хүмүүсийн хамт хэлэлцүүлэг хийлээ. 

Энэ үеэр УИХ-ын гишүүн Г.Ганбаатар байр сууриа илэрхийллээ. Тэрбээр, "Цөлжилтийг бууруулж, гүний усыг хамгаалах агуулгаар ямар ч төсөв тавиагүй. Энэ нь хэд хэдэн хуулийг зөрчиж байгаа. Иймд COP17 хурлыг зохион байгуулах багийнхан тэргүүтэй хүмүүсийн хамт хэлэлцүүлэг хийж байгаа. Энэ хэлэлцүүлгийн гол зорилго бол “Байгаль орчиндоо анхаарлаа хандуулаач ээ. Энэ цөлжилт гэдэг асуудал зөвхөн говийн бүсийн бус монгол орны асуудал болчхоод байна шүү” гэсэн санаа.

Ерөнхийдөө дэлхийн нийтийн жишгээр авч үзэхэд адаглаад л ДНБ-ий төсвийн 1.5 хувийг байгаль орчиндоо зарцуулж байна. Гэтэл манай улс 0.4 хувийг л зарцуулж байх жишээний.

Ялангуяа хүмүүс цөлжилтийг зөвхөн говийн бүсийн асуудал гэж хараад байгаа юм. Хэрвээ ингэж харж байвал монгол улсын ДНБ-ий 70 гаруй хувийг Оюутолгой, Тавантолгой, Өмнөговь, Дорноговь, Дундговь зэрэг олон газраас төсөв бүрдүүлж байгаа хэр нь хамгийн их уур амьсгалын өөрчлөлтөд өртөж байгаа бүс нутаг. Гэтэл эргээд тэр газруудад байгаль орчны нөхөн сэргээх ямар ч төсөв зардал тавьдаггүй. Энэ асуудлыг өнөөдрийн хэлэлцүүлэгт орж байгаа хүн болгон ярьж байна.

Улсын төсөв хэлэлцэж байгаа энэ үед байгаль орчныг хамгаалах асуудал дээр жоохон ч гэсэн төсөв тавьж өгөөч ээ. Ирэх онд СОР17 болно. Ийм үед бид олон улсын анхаарлын төвд орно. Эдгээр гурван зорилгын дагуу өнөөдрийн хэлэлцүүлгийг хийлээ" гэсэн юм.