Ардчлалын алтан хараацай Э.Бат-Үүл өөрийн цахим хуудаснаа “Манай Х.Тэмүүжинд хэрэг үүсгэсэн юм уу? Арай ч дэнднээ!” гэх постыг оруулжээ.

Тодруулбал, АТГ-аас УИХ-ын гишүүн Х.Тэмүүжинг авлигал авсан, мөнгө угаасан хэрэгт холбогдуулсан шалгаж ажиллагаа явуулж улмаар прокурор УИХ-руу бүрэн эрхийг нь түдгэлзүүлэх санал оруулахаар бэлдэж байгаа тухай эх сурвалж хэллээ.

Мөн эх сурвалжийн хэлснээр Х.Тэмүүжингийн хэрэгтэй холбоотойгоор Гадаадын иргэн харьяатын газрын даргаар ажиллаж байсан Б.Цолмон, Хууль зүйн яамны санхүүгийн газрын даргаар ажиллаж байсан С.Мөнхбат нарыг АТГ-аас цагдан хорьсон байна. Б.Цолмон, С.Мөнхбат нарыг баривчлах үед 2 сая ам.доллар нэгжлэгээр хураасан гэнэ. Тэдний хувьд хууль зүйн сайд Х.Тэмүүжингийн хамгийн ойрын хүмүүс бөгөөд халаас нэгтэй хүмүүс юм. Тэр ч утгаараа уг хураагдсан мөнгө Х.Тэмүүжингийн мөнгө гэж үзэж байгаа аж.