Засгийн газар Монгол Улсын 2026 оны төсвийн төсөл болон холбогдох хуулийн төслүүдийг боловсруулснаа өчигдөр /2025.09.01/ УИХ-ын даргад өргөн мэдүүллээ. Хуульд зааснаар ирэх оны төсвийн хуулийг есдүгээр сарын 1-нд багтаан УИХ-д өргөн мэдүүлэх дэгтэй юм.

Засгийн газар ирэх онд ахмад настнуудын тэтгэврийг инфляцитай уялдуулан 6 хувиар нэмэгдүүлэхээр тооцоод байна. Үүнд нийт 378 тэрбум төгрөг нэмж зарцуулахаар төсөвт суулгажээ.

Нийгмийн халамжийн сангаас 2026 онд олгох хөнгөлөлт, тусламж, үйлчилгээнд 2 их наяд 593 тэрбум төгрөг зарцуулахаар тооцсон. Нийгмийн халамжийн сангаас олгох нийт хөнгөлөлт, тусламж, үйлчилгээний зардлын 60.7 хувийг хүүхдийн мөнгөн тэтгэмжийн зардал эзэлж байна.