Засгийн газраас АН-ыг гаргах шийдвэрийг МАН-ын VI бага хурлаас гаргасантай холбоотойгоор Ардчилсан намын дарга Л.Гантөмөр даргынхаа үүрэгт ажлаас чөлөөлөгдөнө гэдгээ өнгөрсөн зургадугаар сард мэдэгдсэн. Тэр цагаас хойш АН-ын дараагийн даргын төлөөх өрсөлдөөн ил, далд өрнөж эхэлсэн.

Тэгвэл Ардчилсан намын дарга, УИХ-ын гишүүн Лу.Гантөмөр Ардчилсан намын Үндэсний бодлогын хороо/ҮБХ/-г энэ сарын 28-нд буюу өнөөдөр хуралдуулах төв зарласан. Уг товын дагуу АН-ын ҮБХ хуралдаж Ардчилсан намын Үндсэн дүрэм болон хөтөлбөр, намын дотоод зохион байгуулалтын асуудлыг хэлэлцэх юм.

Намын даргын суудалд УИХ дахь Ардчилсан намын бүлгийн дарга О.Цогтгэрэл болон УИХ-ын дэд дарга Б.Пүрэвдорж, УИХ-ын гишүүн Ж.Баярмаа нар байх хамгийн өндөр магадлалтай байгаа аж. 

Ардчилсан намын Үндсэн дүрмийн

5.17.4-т Намын даргад нэр дэвшигч нь ҮД зөрчиж шийтгэл хүлээгээгүй, намд элсээд 10 жил болсон, тухайн үеийн хүчин төгөлдөр ҮБХ-ны нийт гишүүдийн 10 хувийн дэмжлэг авч, гарын үсэг зуруулсан, намын сонгуульт гишүүн (ҮБХ, ҮЗХ)-ээр 4-өөс доошгүй жил ажиллаж байсан гишүүн байна гэж заасан байдаг.