Засгийн газрын ээлжит хуралдаан боллоо. Хуралдаанаас гарсан шийдвэрийг Аж үйлдвэр, эрдэс баялгийн сайд Г.Дамдинням танилцууллаа. Энэ үеэр шатахууны тасалдалтай холбоотой тайлбар мэдээлэл өглөө. 

Тэрбээр, "ОХУ-ын дотоодын хэрэглээ өссөнтэй холбоотойгоор хязгаарлалт тавьсантай холбоотойгоор саяхан бензиний тасалдах нөхцөл байдалтай үүссэн. Гэхдээ энэ гэрээ хэлцэлтэй орнуудад хамааралгүй байсан. Манай баруун таван аймаг бензинээ баруун талаасаа худалдааны байгууллагуудаас дамжуулж үндсэн үйлдвэрлэгчдээс биш нефтийн худалдааны байгууллагаас худалдаж авдаг байсан. Тэдгээр компаниуд нь “Бид нар бага хэмжээний нийлүүлэлт хийдэг учраас нийлүүлмээргүй байна” гэсэн. Учир нь баруун таван аймгийн хэрэглээ 3000тн орчим байдаг. Үүнийг нийлүүлж чадахгүй гэдэг байдал үүссэн.

Энэ асуудлыг шийдэхийн тулд төвөөс буюу Улаанбаатараас төмөр замаар орж ирснийг хангах үйл ажиллагаа хийсэн. Энэ хооронд тээвэрлэлтийн хувиар өөрчлөгдсөнтэй холбоотой бага зэргийн тасалдал үүссэн. Одоогийн байдлаар хэвийн байна” гэлээ.