ЗГХЭГ-ын дарга С.Бямбацогт "Ард түмэнд ногдох баялгийн өгөөжийг ахиулан нэмэгдүүлнэ гэв. Тэрбээр "Энэ бол Ерөнхий сайд Г.ЗАНДАНШАТАРЫН ЗАСГИЙН ГАЗАР-ын үйл ажиллагаандаа баримтлах үндсэн зарчим. Тиймээс ч баялгийн үр өгөөжийн дийлэнх нь ард түмэнд ногдож байх Үндсэн хууль болон Үндэсний баялгийн сангийн тухай хуулийг хэрэгжүүлэх ажилд онцгой анхаарч Ажлын хэсэг байгуулсан. Энэ хүрээнд миний ахалсан Ажлын хэсэг өнөөдөр Эрдэнэтийн үүсмэл орд ашиглагч ЭРДМИН ХХК, АЧИТ ИХТ ХХК, ЗЭС ЭРДЭНИЙН ХУВЬ компанийн төлөөллүүдтэй уулзалт хийлээ. Улмаар, 

Ажлаа эрчимжүүлэх үүднээс  даваа гарагт ЗГХЭГ-ын дэд дарга Цолмонгоор ахлуулсан дэд ажлын хэсэг байгуулж нэг сарын дотор ТОДОРХОЙ ШИЙДЭЛ ШИЙДВЭР гаргах асуудал дээр тогтлоо.

ҮНДЭСНИЙ БАЯЛГИЙН САН-д баялгийн өгөөжийг төвлөрүүлэх, төр хуулиар эзэмших ёстой хувиа үнэ төлбөргүй эзэмшиж ӨГӨӨЖИЙГ АРД ТҮМЭНДЭЭ ХҮРТЭЭХ энэ ажлыг шуурхай хэрэгжүүлнэ.

Байгалийн баялгаас цөөн хүн их ашиг хүртэж, ард түмэн хоосон хоцордог АЛДААГ ЗАСНА

Үүсмэл орд эзэмшигч компаниудад татвар төлөгч, ажлын байр бий болгогч, баялаг бүтээгч гэдэг талаас нь төр засаг хүндэтгэлтэй хандаж байгаа. Гэхдээ төрийн эзэмших хувийг өгнө гэчихээд элдэв шалтаг тоочин дүр эсгэх, улс оронд хохиролтой болзолт нөхцөл тулгах, ард түмэн баялагтаа эзэн байх боломжид ямарваа нэг саад тээг учруулвал төр хатуурхахаас аргагүй болно гэдгийг ч санууллаа. Тиймээс Ажлын хэсэгт шаардлагатай бүх баримт мэдээллийг цаг тухайд нь гаргаж өгөх, 1 сарын дотор нэгдсэн шийдвэрт хүрэх ёстой гэдгийг анхаарууллаа.

Эрдэнэт үйлдвэрийн үүц гэгддэг исэлдсэн хүдрийн овоолго бол хаягдал биш, үнэ цэнтэй баялаг, үүсмэл орд учраас төрийн эзэмших ёстой хувь, ард түмэнд ногдох өгөөжөөс бултах, булзах эрх хэнд ч байх ёсгүй.