Өчигдөр буюу /2025.06.25/ УИХ-ын нэр бүхий гишүүдээс Монгол Улсын ерөнхий сайд Г. Занданшатарт Боловсролын сайд П.Наранбаярыг огцруулахыг шаардсан шаардлагыг албан ёсоор хүргүүлсэн. Ингэхдээ сургуулийн менежментийг сайжруулахад дэмжлэг үзүүлэх тухай гээд 1.2 тэрбум төгрөг зарцуулсан, элсэлтийн шалгалттай холбоотой асуудал үүссэн гэж түүнийг огцруулна гээд буй. Тэгвэл Боловсролын сайд П.Наранбаяр энэ талаар мэдээлэл өглөө.

Боловсролын сайд П.Наранбаяр: Би шалгадаг байгууллагад нь бүрэн шалгуулна. Шалгадаг байгууллага нь мэргэжлийнх нь дүгнэлтээ гарга. Надад буруу хийсэн, хууль зөрчсөн үйлдэл байхгүй.

1.2 тэрбум төгрөг өгье гэдэг бол сургуулиудын менежрүүдийг сайжруулах төслийг 2022 онд Боловсролын яам өөрөө зарлаад, үүнээс хойш тууштай хэрэгжүүлж буй. 2022 оноос мөнгийг нь төлөөд менежрүүдийг сайжруулах төслийг хэрэгжүүлэх тушаалыг миний өмнөх сайд нь гаргаад хэрэгжүүлж байсан. Тэрийг л үргэлжлүүлсэн хэрэг. Боловсролын ерөнхий газарт энэ мөнгийг шилжүүлсэн. Энэ төсөлд өмнө нь 80 сургууль хамрагдаж байсныг 120 сургууль болгосон. Эдгээр сургуулиудын ихэнх нь хөдөөний сургууль. Та нар үр дүнг нь харсан бол Дундговь аймгийн элсэлтийн шалгалтын дүн сайжирсан байна. Төсөл хэрэгжсэн газар үр дүн гарч сургуулиудын 90 хувь нь сэтгэл ханамж өндөр байна гэсэн”