Улс төрч Ч.Ундрам гэр бүлийн таарамжгүй харилцаа, охиноо зодож буй ээж, хувийн харилцаатай эртэйгээ шөнө дөлөөр гал тогооноос гарч ирсэн гэж зарласан нөхрийнхөө хэрүүлээр олонд танигдсан түүхтэй.

Гэвч тэр УИХ-д дахин сонгогдож, одоо Соёл спорт, аялал жуулчлал, залуучуудын яамыг толгойлж ажиллахаар боллоо.

Түүний ёс зүйгүй, увайгүй үйлдлүүдийн талаар нөхөр нь анх сошиал орчинд шүгэл үлээж бичлэг гаргаж тавьснаар Ч.Ундрам гэж чухам ямар хүн байдаг талаар бид ойлголт авсан. Нөхөр нь түүнийг тодорхойлж ярихдаа, МУИС-ийн санхүү эрхэлсэн дэд захирал болсон цагаасаа архи их уудаг болсон. Гэртээ байнга оройтож ирээд бид маргалдаж муудах нь ихэссэн. Түүгээр ч зогсохгүй ажлынхаа Д.Заяабаатар гэх хүнтэй дотно харилцаатай болж гэртээ хүртэл орж ирэн ёс бус үйлдэл гаргасан хэмээн цахим хуудаснаа нийтэлж байсан. Нөхөр нь түүнийг УИХ-ын гишүүн болоод ёс зүйд баригдаж засрах болов уу хэмээн итгэсэн ч тэгээгүй учир гэр бүлээ салгаж буй талаараа мөн гэр бүлийн хүчирхийлэлд байнга өртдөг хоёр хүүхдээ өөр дээрээ авах хүсэлтэй байгаа тухайгаа хэвлэл мэдээллийн хэрэгслүүдээр ярьж байв.  

Түүний аав Ч.Чинбат байгалийн баялгаар баяжсан нэгэн Сэлэнгэ, Баянхонгор, Өмнөговь гээд хэд хэдэн аймаг   дамжсан уул уурхайн бизнес эрхэлдэг. Тэр ч утгаар нь Ч.Ундрамыг анх УИХ-ын гишүүн болоход аав нь гишүүний суудлыг мөнгөөр авч өглөө хэмээн хэвлэлүүд шуугьж байсан. Сэлэнгэ аймгийг Ч.Ундрам ба түүний аав эзэмшдэг хэмээн зүгээр ч нэг ярьдаггүй гэдгийг батлан харуулж 2024 онд тухайн тойргоос ахин гишүүн болсон билээ.

Үндэсний өв соёлоо хайрлан хамгаалах, эрдэм боловсролтой, эх оронч оюунлаг Монгол иргэнийг бий болгох соёлын яамны бодлогыг Ч.Ундрам үргэлжлүүлэн авч явахад түүний мэдлэг боловсрол хангалттай боловч хувь хүний зан байдал нь хэрхэх талаар түмэн олон чих тавин харж байна.

Аялал жуулчлал эрчимтэй хөгжиж буй манай оронд Соёлын яам эх орноо сурталчлан таниулах олон ажил өрнүүлдэг. Өмнөх сайд Ч.Номин ч энэ тал дээр ихээхэн анхаарч ажиллаад жил бүр манайд ирдэг жуулчдыг тоог нэмэгдүүлсэн. Тэр өөрөө ч эх орныхоо нүүр царай болон ажиллаж ирсэн. Харин энэ удаад Ч.Ундрам сайдын хувийн амьдрал, гэр бүлийн тогтворгүй харилцааны талаар гадаад улс оронд цуурхал тарвал Соёлын салбар нуран унах цаг ойрхон байна.

Завсрын  гэж нэрлэгдэх болсон Г.Занданшатарын засгийн газрын “толгойны өвчинд” Ч.Ундрам гэх төрөл зүйл нэгээр  нэмэгдлээ.