МАН-ын Удирдах зөвлөл өнөөдөр хуралдаж энэ талаарх мэдээллийг  Ерөнхий нарийн бичгийн дарга Я.Содбаатар сэтгүүлчдэд өглөө. 

Дэлхий нийтийн нөхцөл байдал, түүнийг дагаад Монголд ирж байгаа эдийн засгийн хүндрэл бэрхшээл, экспортод гарч байгаа хүндрэл.  Энийг дагаад төсөв, нийгэм эдийн засгийн амьдрал дээр ирж байгаа хүндрэлийг ярьж, парламентад суудалтай намуудтайгаа хамтарч, монголчууд бид энэ цаг үед нэгдсэн бодлоготой байж, хүнд цагийг хамтдаа туулах нь зүйтэй гэж саналаа хэлсэн. Энэ дагуу МАН-ын Бага хурлын зургадугаар хуралдаанаас гаргасан шийдвэрийн дагуу өмнө нь хамтарч ажиллаж байгаад гэрээг зөрчсөнөөс  бусад намуудтай Засгийн газраа байгуулж болох талаар чиглэлийг Ерөнхий сайдад өглөө.

Ерөнхий сайд засгийн газрын бүтэц бүрэлдэхүүнд өөрчлөлт оруулахгүй. Энэ хэвээр нь авч явна. Харин одоо оруулж ирэх төсвийн тодотголтой хамт бүтцийн өөрчлөлт хийнэ. Үндэсний хороодын сайд нарыг томилохгүй. 2024-2028 оны засгийн газрын хөтөлбөрт өөрчлөлт орохгүй. Мега төслүүд үргэлжилнэ. Өмнөх засгийн газрын сайд нараас 40 хувийг нь авч үлдэнэ.  Хүн сольж, нэр ус сольж, сандал ширээ зөөх зав байхгүй. Ингээд МАН-ын Удирдах зөвлөл ерөнхий сайдын саналыг дэмжсэн. Одоо ерөнхийлөгчтэй зөвшилцөнө. Үүний дараа парламентад танилцуулаад явна. "Хамтарсан засгийн газар" дээр Ардчилсан нам гэрээнээсээ ямар ямар зүйл заалтыг зөрчсөнийг нь хоёрдугаар сард бичгээр мэдэгдсэн байгаа гэв.