Ч.Хүрэлбаатар: МАН-ын эв нэгдлийг хангаад явж чадах хүнийг нэр дэвшүүлэх нь зүйтэй гэж үзээд Ерөнхийлөгчийн тамгын газрын дарга Г.Занданшатарыг Удирдах зөвлөл 100 хувийн саналаар Ерөнхий сайдад нэр дэвшүүлж байна. Удирдах зөвлөлд өөр нэр яригдаагүй.

Одоо бага хурал хуралдах гэж байна. Манай нам дотоод ардчилалтай тул заалнаас хүн дэвшиж болно. Тэр нь нээлттэй.

Дараагийн Ерөнхий сайд байх хүн засгийн газрын танхим дотроосоо байх хэрэгтэй хэмээн хэлж байсан. Учир нь 2016, 2020 онуудад МАН УИХ-д 60 гаруй суудалтайгаар явж ирсэн. Одоо ч энэ тоогоо хадгалж байна. Өөрөөр хэлбэл сөрөг хүчингүй явж ирсэн.

2016 оноос хойш анх удаа хүчтэй сөрөг хүчинтэй боллоо. АН 40 гаруй суудалтайгаар УИХ-д сууж байна. Ийм үед эв нэгдлийг хангаад явж чадах хүн Засгийн эрхийг баривал дээр гэдэг хувийн бодол байна. Тэр тусмаа дараагийн засгийн газарт УИХ-ын гишүүд  сайд болох ёстой гэдэг саналыг Удирдах зөвлөл дээр ч ярьж танилцууллаа.