МАН-ын Бага хурлын гишүүдээс сэтгүүлчид шинэ Ерөнхий сайдын талаарх мэдээллийг тодруулж байна.

УИХ-ын гишүүн Х.Ганхуяг: Би бол шинэ Ерөнхий сайдыг парламентаас сонгогдох болов уу гэж харж байна. Г.Занданшатар даргын хувьд өмнөх парламентаа сайн ажиллуулж, эв нэгдлийг хангаж, Үндсэн хуулийн өөрчлөлтийг хийхэд том үүрэгтэй оролцсон хүн. Хувь хүнийх нь үүднээс дэмждэг, итгэдэг. Одоо Ерөнхий сайдаар сонгогдвол парламенттай ажиллахад жаахан төвөгтэй байж магадгүй. 

Ерөнхий сайд огцорч, улстөржилт эхэлснээс хойш засгийн газрын бүх ажил зогслоо. Нүүрсээ гаргах ёстой сайд нар нь ажлаа хийхгүй. Станц дээр нь дэлбэрэлт болоод хүний амь нас үрэгдсэн байхад сайд ажлаа өгсөн гэж ойлгоод явж байх жишээний. Бүх ажил зогсонги байдалд орсон энэ үед өнөөдөр яаралттай шийдвэрээ гаргаж ЗГ-ыг ажилд нь оруулах хэрэгтэй. Өмнөх засгийн газрын бүх ажлыг үргэлжлүүлж явах хэрэгтэй. Улстөржиж ажил гацаавал ард түмэн бизнес эрхлэгч нар хохирно. Энэ жилийн эдийн засаг өсөлттэй гарах уу гэдэг эргэлзээтэй байдал руу шилжлээ. Нүүрс гарахгүй болохоор үнэ нь унаж бүх асуудал хоолой дээр тулж ирлээ.