Ж.Энхжаргалан өөрийн нүүр хуудастаа бусдын дургүйг хүргэсэн зүйлс постолж хүмүүсийн анхаарлын төвд орох хүсэлдээ хөтлөгддөг. Тэр хүсэл нь ч биеллээ олж өнгөрсөн жилийн наадмаар барилдсан бөхчүүдийг гулгадаг зүлгээрээ нумруулж наадамчин олны хэл амны бай болсон. Түүгээр ч зогсохгүй цэнгэлдэх хүрээлэнд болох зуны шоунуудаас хамгийн ашиг орлоготой өдрүүдээ өөрийнхөө шоунд авдаг хэмээх шүүмжлэлд өртдөг нэгэн.

Зөвхөн энэ хавар л гэхэд хогийн цэг дээр хүүхдээ аваачиж “хүмүүс яаж амьдарч байгааг харуулсан” гэх утгатай нийтлэл нь нийтийн дургүйцлийг хүргэж, чимээ нь намдаагүй байхад “лайвчин” Д.Мөнх-Эрдэнэтэй маргалдаж, гар зөрүүлж, салаавч харуулсан.

Цахим орчинд ёс бус хэллэг хэлж хоёр биеийнхээ өөдөөс дунд хуруу гозолзуулсан тэд ес хоног хоригдож 10 цагийн албадан сургалтад хамрагдана. Монголын хамгийн урт лайвыг хэл ам нь түгдрэхгүй хийдэг Д.Мөнх-Эрдэнэ дүүгээ аваад хэд хоног сургалт хүмүүжлийн хичээл заана гэж ярьсаар байгаад аваад орлоо.