УИХ-ын хамгийн залуу гишүүн С.Цэнгүүн олон жил бодож явсан “Цэнгүүн сан”гаа төрсөн өдрөө тохиолдуулан нээв гэж сошиал хуудаснаа нийтэлжээ. Хүүхдийн төлөө үйл ажиллагаа явуулах уг санг гишүүн Нара буюу М.Нарантуяа ихэд шүүмжлэн бичсэн байна. Тэрбээр бичихдээ “баян хүмүүс л сан байгуулж мөнгө угаадаг. Засгийн газрын тэргүүнийг унагаж талбай дээр гарч жагссан хөлсөө зарим гишүүд авч эхэлжээ. Өдийг хүртэл хүүхдийн төлөө Х үсэг хэлж үзээгүй хүн гэнэт хүүхдэд хайртай болчихсон гэж үү” хэмээн бичиж. Түүгээр зогсохгүй “түрээсийн байраа өөрийн болгосон” гэж өгүүлбэр оруулсан нь Ч.Лодойсамбуу гишүүнийг дайруулж хэлсэн бололтой.

Цахим орчинд нээлттэй байж элдэв хэл аманд орооцолдож явдаг М.Нарантуяа гишүүнийг С.Цэнгүүний хажууд хүүхэд эмэгтэйчүүдийн төлөө дуу хоолойгоо өргөн ажилладаг гэдгийг ард түмэн андахгүй. Харин АН-ын жагсаалтын эхний тавдугаар байранд хаанаас ч юм бэ ороод ирчихсэн С.Цэнгүүнийг элдэв янзаар харддаг хүмүүс олон. Анужин гишүүний экс нөхөр Э.Нандинзүрхтэй амьдарч байгаа гэдэг шар мэдээллүүд хэвлэлээр дүүрэн. Гэр бүл салгаж хүний нөхөртэй амьдарч яваа нь үнэн бол хүүхэд өнчрүүлдэг эмэгтэй “Хүүхдийн төлөө сан”-гийнхаа учрыг сайн ойлгоогүй хэрэг. Нарантуяа гишүүний хэлдэг шиг сан нэрийн дор мөнгө угаах явдал дэлхий дахинд олон. Засаг огцруулах жагсаалд УИХ-ын гишүүдийг манлайлан оролцож талбай дээрх залуусыг хөөргөж өгснийхөө шанг авсан уу баян нөхөр нь сан байгуулж өгсөн үү гэдгийг Цэнгүүн сан юу хийж хэдэн жил оршин тогтнохоос л харж болох юм.