Засгийн газрын хуралдааны шийдвэрийг танилцуулж байна.

ЗГХЭГ-ын дарга Н.Учрал:

-Хамтарсан Засгийн газар 14 мега төслийг хэрэгжүүлэхээс гадна салбаруудад эрхзүйн реформыг хийнэ гэх зорилтыг дэвшүүлсэн. Энэ хүрээнд гучин жил хүлээгдсэн нийгмийн даатгалын реформыг хийхээр шийдвэрлэж байсан. Харин өнөөдрийн засгийн газрын хуралдаанаар нийгмийн даатгалын ерөнхий хууль, хувийн нэмэлт тэтгэврийн хууль зэрэг багц хуулийг УИХ-д өргөн мэдүүлэхээр боллоо. Мөн татварын багц хуулийг УИХ-д өргөн мэдүүлэхээр шийдвэрлэлээ. Түүнчлэн гадаадын хөрөнгө оруулалтын эрхзүйн орчныг сайжруулах хуулийг өргөн мэдүүлэхээр боллоо. Мөн гэр бүлийн хуулийг өргөн мэдүүлэхээр болсон. Засгийн газраас төлөвлөгөөний дагуу эдгээр хуулийг өргөн мэдүүлэхээр ажиллаж байсан гэдгийг тодотгож хэлье гэв.