Хан-Уул дүүрэг III хороо "ДЦС-3" ТӨХК-ийн өндөр даралтын турбин цех дотор гарсан галд өртөж нэг мэргэжилтэн амь насаа алдсан. Тус компанийг энэ талаар нууцалж байгаа гэх мэдээлэл гарсан. "ТЭЦ-3"-ыг "Эрчис Монгол" компанийн мэдэлд 2025 оны гуравдугаар сард шилжүүлсэн. Уг ослын талаар Эрчим хүчний сайд Б.Чойжилсүрэн "Дулааны III цахилгаан станцад осол гарсан. Энэхүү осолд инженер залуу өртөж амь насаа алдсан харамсалтай хэрэг гарсан. Тэрээр эхнэр хоёр хүүхэдтэй, салбартаа 20 гаруй жил ажилласан инженер байсан.  Хэргийн газар дээр хуулийн байгууллагууд хяналт шалгалт хийж байгаа. Эрчим хүчний яамнаас ослын шалтгааныг тодруулахаар ажлын хэсэг ажиллаж байгаа ч эрүүгийн хэрэг нээсэн. Тиймээс ёсзүйн хувьд хариуцлага хүлээхэд бэлэн байна" гэлээ.