УИХ-ын төрийн байгуулалтын байнгын хороо хуралдаан өнөөдөр хуралдаж хуралдаанд оролцогчдын 73.9 хувь нь Ерөнхий сайдад итгэл үзүүлэх нь зүйтэй гэж үзсэн. Үүний дараа АН-ын бүлэг дахин хуралдаж бүлгээс гарсан  шийдвэрийг  бүлгийн дарга О.Цогтгэрэл танилцууллаа.

Тэрбээр  АН бүлэг дээр санал хураалт явагдсан. Санал хураалтаар АН-ын бүлгийн гишүүд УИХ-ын нэгдсэн чуулганд оролцож, ирцээ бүртгүүлнэ. Үгээ хэлнэ. Үүний дараа АН-ын бүлгийн гишүүд чуулганы танхимыг орхин гарна. Гэхдээ Ерөнхий сайдад итгэл үзүүлэх эсэх тухай санал хураалтад оролцохгүй.Ирцээ бүртгүүлсэн гишүүд санал хураалтад оролцохгүй гэдэг нь УИХ-ын Дэгийн тухай хуулиар дэмжээгүй гэсэн саналын томьёололд тооцогдоно.

Тиймээс АН-ын гишүүд Ерөнхий сайд Л.Оюун-Эрдэнэд итгэл хүлээлгэх эсэх тухай тогтоолын төсөлд санал хураахаас өмнө чуулганы танхимыг орхиж гарна гэдэг дээр санал нэгдсэн" гэв.