УИХ-ын Төрийн байгуулалтын байнгын хорооны хуралдаанаар Ерөнхий сайдад итгэл үзүүлэх тухай тогтоолын төслийг хэлэлцэж байгаатай холбоотойгоор гишүүд асуулт асууж, санал хэлж байна.

Ерөнхий сайд Л.Оюун-Эрдэнэ: Гашуунсухайт-Ганцмод төмөр замын боомтын хил холболтын нээлтэд яваад ирэхэд дараагийн Засгийн газар зурагдчихсан байсан. Ардчилсан нам шинэ даргаа сонгоод, дараагийн Засгийн газарт орох хүмүүс нь оччихсон байсан. Жагсаалын суурь шалтгаан энэ байсан учраас би залуус дээр гарч очоогүй.

Тэгэхээр, одоо худлаа яриад яах вэ. Ямар жижиг эрх ашгаас болж ямар том хөгжлийн боломжийг алдаж байгааг харах хэрэгтэй. Би огцорлоо гэхэд дараа нь хэн сайд болох вэ гэдгийг сайн ажиглах хэрэгтэй. Бид нар үнэнээ ярьж чадахгүй байна.  Хамтарсан Засгийн газар хэт хурдан ажиллаж  том төслүүдээ хөдөлгөсөн учир МАН дотор "АН-аар яах юм" гэж хүмүүс ярьж эхэлсэн нь үнэн.