Эрчим хүчний сайд Б.Чойжилсүрэн өнөөдөр сэтгүүлчдэд өгсөн мэдээлэлдээ орон сууцны дулааны үнийг бодит өртөгт нь нийцүүлж нэмэх шаардлагатай байгааг мэдэгдлээ.

Ингэхдээ тэрбээр, Орон сууцны айлууд 1 мкв тутамдаа дулааны зардалд 506 төгрөг төлж байна. 50 мкв орон сууцтай айл нэг сард 27,000 орчим төгрөг дулаанд төлж байна гэсэн үг. Үүнийг хүйтний саруудаар авч найман сард үржүүлж үзвэл нэг өрх 220,000 төгрөг болж байгаа юм. Гэтэл гэр хорооллын айлууд халаалтын зардалд нэг сард 600 орчим мянган төгрөг төлж байна. Тиймээс орон сууцны айлуудын дулааны үнийг бодит өртөгт нь нийцүүлж алдагдлаа бууруулъя гэвэл хэрэглээний үнийг нь 100-125 хувиар нэмэгдүүлэх шаардлагатай байна.