Т.Доржхандаас шинэ Засгийн газарт орох эсэх талаар тодрууллаа.

Засгийн газрын хуралдаанаар үүсээд буй асуудлын талаар товч ярилцсан. Одоо ерөнхий сайдын асуудлыг яръя гэж байгаа. МАН-ын бага хурлын үеэр хамтарсан засгийн газрын асуудал яригдсан. Харин одоо төрийн эрхийг барих дээд байгууллага болох УИХ дээр ерөнхий сайд байх уу, үгүй юу гэдэг асуудлаа яръя. Хэрэв итгэл үзүүлэхгүй гэвэл хамтарсан засгийн газар нийтээрээ огцорно гэсэн үг. Ийм л агуулгаар товч мэдээлэл өгсөн.

Засгийн газрын тэргүүнд итгэл үзүүлэх асуудал УИХ-аар ирэх долоо хоногт орно. Итгэл үзүүлээд явна гэвэл ямар хариу гарахыг сайн мэдэхгүй байна. Үзүүлэхгүй гэдэг шийдвэр гарвал дараагийн Ерөнхий сайд нь гарч ирээд процесс явна. Тэр үеэр ХҮН нам хурлаа хийж дараагийн Засгийн газарт орно, орохгүй гэдэг шийдвэрээ гаргана.

ХҮН нам 100 мянга гаруй дэмжигч гишүүдтэй  үндэсний хэмжээний том нам. Манай нам дотор ч гомдогсод бий.  Тэр буруу биш. ХҮН намын нийт гишүүдийн 99 хувь нь хоорондоо эвлэж нэгдээд улс орныхоо хөгжлийн төлөө явах нь зүйтэй гэж үзэж байгаа.

Хамтарсан Засгийн гол зорилго нь том төслүүдээ явуулъя реформуудаа хийе гээд явсан. Түүнийгээ ч хийсэн. Өнөөдөр нэг ч гишүүн Хамтарсан Засгийн газрыг муу ажилласан гэж хэлэхгүй байгаа. Маш олон жил хуримтлагдсан асуудлуудыг бид нар найман сарын хугацаанд хөдөлгөж чадсан. Өнөөдөр олон улс манайх руу харж хөрөнгө оруулагчдын итгэл буцаад сэргэсэн. 2012 оны уур амьсгалыг давсан итгэл бизнесийн салбарт үүсээд байна. Ийм үед би л сайд байх ёстой, манай нам дангаар засаглах ёстой гэсэн Үндсэн хуулийн өөрчлөлтийн холимог системээ ойлгоогүй хэсэг хүмүүс байгаад байна.

Ерөнхий сайдын хувийн асуудлыг улс төржүүлээд хоёр талдаа гарч чулуу шидэлцээд байвал энэ улсад ямар ч бодит хөрөнгө оруулалт хийгдэхгүй. Юу үнэн . Тэр үнэн шүү.

Надад нэг л байр суурь байна.Монгол Улсын эрх ашиг урдаа байх ёстой. Тийм учраас ХҮН нам хамтарсан засагт  орсон. Улс орны хөгжлийн төлөө бат зогсоно. Бид шүүмжлүүлэх нь дараагийн асуудал. Ардчилсан намын дарга Лу.Гантөмөр мэдээллээ тодорхой хэлсэн байна лээ. Ямар ч тохиолдолд бид засгаас гарна гэж. Лу.Гантөмөр даргыг энэ шийдвэрээ эргэж хараасай гэж хүсэж байна. Яагаад гэвэл АН гараад хүчтэй сөрөг хүчин хийгээд явж болно. 34 жил хоёр талд гарч явсан шиг нөхцөл байдал руу эргээд шилжих вий.