"Цахим мөрийтэй тоглоомыг бүрэн хориглох тухай хуулийн эцсийн хэлэлцүүлгийг энэ долоо хоногт хийж, батлах хүлээлттэй байна" гэж ЗГХЭГ-ын дарга Н.Учрал сэтгүүлчдэд мэдээлэл өглөө.

Цаашдаа цахим мөрийтэй тоглоомыг тоглох, дэмжлэг үзүүлэх, зуучлалын үйл ажиллагааг явуулах, бүх төрлийн хэлбэрээр сурталчлах зэрэг үйлдлүүдийг бүхэлд нь хориглож байна. Ингэснээр манай улс төлбөрт таавар, цахим мөрийтэй тоглоом, бооцоот тоглоомыг бүхэлд нь хориглож байгаа гэсэн үг. Энэ хууль батлагдсантай холбогдуулаад бид технологийн бэлэн байдлыг хангах ёстой. Хууль батлагдсанаар банк санхүү, хууль хяналтын байгууллагууд мөрийтэй тоглоомын үйлдэл дээр хязгаарлалт хийх боломжууд бүрдэж байна. Ингэснээр мөрийтэй тоглоомын үйлдэл 60 хувиар буурна гэдгийг хуулийн байгууллагууд хэлсэн. Хэрвээ VPN ашиглаж тоглох оролдлогууд хийвэл  яаралттай илрүүлж  эрүүгийн болон зөрчлийн хуулийн дагуу хуулийн хариуцлага хүлээлгэнэ.

Өнөөдрийн байдлаар манай улсын иргэд  мөрийтэй тоглоом тоглоход бэлэн биш байна. Цахим мөрийтэй тоглоомоос үүдэж хохироогүй иргэн бараг үлдсэнгүй. Өрх бүрд нэг тоглогч байж бусад нь эд хөрөнгөөрөө хохирч байна. Жилд 500,000 сая ам.доллар буюу 1.7 их наяд төгрөг гадагшаа гарсан гэдэг мэдээлэл байсан. Гэтэл хоёр сарын хугацаанд 50 гаруй сая ам.доллар гадагшаа урссан байна гэв.