Одоо бид нар хамгийн түрүүнд ямар алхам хийх ёстой вэ гэвэл, энэ ойлгомжгүй нөхцөл байдлаа нэг тийш нь цэгцлэх хэрэгтэй. Манай намыг “Хамтарсан засгийн газар”-аас гаргаж байгаа бол яаралттай гаргаж засгийн газар нь огцроод дараагийн ЗГ-аа эмхлэх хэрэгтэй. Яг одоо УИХ-аар 2026 оны Монгол улсын хөгжлийн хөтөлбөрийг хэлэлцэж байна. Дээрээс нь төсвийн хүрээний мэдэгдэл, шатахууны үнэ нэмэгдсэн зэрэг асуудлууд үүсэж байна.

Том том мега төслүүд нь хэлэлцэгдэж байхад сайд нар нь байхгүй. Засгийн газраас хөөгдөж гарч байгаа манай намын Шадар сайд Лу.Гантөмөр л ганцаараа сууж байна. Энэ ойлгомжгүй байдлыг нэг тийш нь болгож ерөнхий сайд Л.Оюун-Эрдэнэ огцрох асуудлаа хурдан оруулж ир. Бид нар гялс хэлэлцээд шийдээд өгье.