Монгол Улсаас Тайландын Хаант улсад суугаа Элчин сайд А.Төмөрийн гэргий Л.Орхон энэ тавдугаар сарын 8-9-нд шилжих шөнө Бангкок хотын Клонг Тоэй дүүргийн Сукхумвит 24 дэх орон сууцны 17 давхраас дөрөвдүгээр давхрын террас дээр унаж  харамсалтайгаар нас барсан. Энэ хэрэгт талийгаач бүсгүйн ар гэрийнхэн А.Төмөрийг буруутгаж буй. Түүнийг талийгаач эхнэрийнхээ цогцсыг зөөсөн, ар гэрийнхийг нь очихоос өмнө чандарласан, гар утсыг нь нуусан зэрэг мэдээлэл гадаад дотоодын хэвлэлүүдээр гараад байна. 

ГХЯ-аас цагдаагийн байгууллагын дүгнэлт гарахаар элчин сайдын асуудлыг хэрхэхийг шийднэ гэж мэдэгдэж байсан. Тэгвэл А.Төмөрийг албан тушаалаас нь эгүүлэн татах шийдвэрийг Гадаад харилцааны яамнаас гаргаж,  Монгол Улсын Ерөнхийлөгч У.Хүрэлсүхэд албан бичиг хүргүүлжээ. Эцэслэсэн шийдвэрийг Монгол Улсын Ерөнхийлөгч гаргана.