Нийгмийн халамжийн тухай хуулийн шинэчилсэн найруулгын төсөл, Гэр бүлийг дэмжих тухай хуулийн шинэчилсэн найруулгын төслийг яамд, Азийн хөгжлийн банк, НҮБ-ын Хүүхдийн сан, Эрүүл мэндийн даатгалын ерөнхий газар, Сэтгэцийн эрүүл мэндийн үндэсний төвийн мэргэжилтнүүдэд танилцуулсан талаар сайд Л.Энх-Амгалан мэдээллээ. 

Нийгмийн халамжийн тухай хуулийн шинэчлэлээр, 

Халамжийг зорилтот бүлэгт чиглүүлж, хөтөлбөрийн нэр төрөл, хамрах хүрээг оновчтой болгож, зарим хөтөлбөрийг нэгтгэх,

Бэлэн мөнгөний бус үйлчилгээг нэмэгдүүлж, зорилтот өрх, иргэнийг хөгжүүлэх, чадавхжуулах, зан хандлагыг өөрчлөх, бие даан амьдрахад нь дэмжлэг үзүүлэх ХӨТӨЛБӨР, ҮЙЛЧИЛГЭЭГ нэвтрүүлэх,

Нийгмийн халамжийн тэтгэмж, тусламжийг ХУГАЦАА, ХЯЗГААРТАЙ болгож, хөдөлмөр эрхлэлтэд шилжүүлэх,

Кейс менежментийн үйлчилгээнд суурилсан хэрэгцээнд нь нийцсэн ХӨГЖҮҮЛЭХ үйлчилгээг хүргэх зэрэг арга хэмжээг хэрэгжүүлнэ.

Гэр бүлийг дэмжих тухай хуулийн шинэчлэлээр, 

Гэр бүлд ээлтэй орчин бүрдүүлэх, ажил амьдралын тэнцвэрт байдлыг хангаж, тогтвортой хөгжлийг цогц байдлаар дэмжих,

Хүүхэд, эх, эцэгт мөнгөн тэтгэмж олгох, гэр бүлийг хөгжлийг дэмжих тогтолцоог бий болгох асуудлыг тусгасан гэв.