Ерөөсөө бүх зүйл жижигхэн “гар цүнх”-нээс эхэлсэн. Тэр цүнх аль брэнд хэдэн төгрөгийн үнэтэй вэ гэдэгт ч агуулга яваагүй. Зөвхөн брэнд хэрэглэж чадаагүй олигтой улс төрийн томилгоонд очиж чадаагүй МАН-ын бага хурлын гишүүдийн гомдол дээр ерөнхийлөгчийн дахин хаан суух зургаан жилийн оройгүй хүсэл харагдана.

Түүнээс бус Л.Оюун-Эрдэнэ сайн, муу сайд байсандаа бус Д.Амарбаясгалан сайд болох гэж зүтгээд байгаад бус номер нэгийн хүслээр таван жил тогтвортой байсан засгийн газар хөмрөгдлөө. Угаасаа ч мань эр өөрөө “таавчигтай ээжээс” болоод сайдын суудлаа өгч байсан. Шударга шулуундаа бус дараагийн албан тушаалд яарсан даа тэр шүү дээ. Том бодлого, төлөвлөөгөөр гарч ирээгүй Л.Оюун-Эрдэнийн засгийн газрыг унагахад  ганц “гар цүнх” л хангалттай байсан. Түүн дээр нь нэмэгдээд хэзээ ч нэгдэж чаддаггүй АН-ын дотоод зодоон дөрөөн дээр нь сүү асгаж өгөх шиг болсон.

Гаднаас нь харахад айхтар улс төр, бүлэглэл хоорондын хагарал мэт боловч. Дотоод чанартаа АН-аас жагсаалтаар гарч ирсэн залуу гишүүд намаасаа гарч дараагийн шинэ засгийн газарт бүлэглэж эсвэл эвсэж  орох алсын хараатай эхэлсэн байж мэднэ.

Угаас ялсан нам хамгийн том ажил олгогч байдаг. МАН бага хурлын гишүүддээ ажил өгч чадахгүй байгаа учир “Хамтарсан засаг”-ийн газрыг буулгаж жижиг нам эвсэлүүдтэй нэгдэж дараагийн засгийн газрыг байгуулснаар өмнөх засгийн газрын бий болгосон маш олон ажлын байранд МАН-ын гишүүд заларч таарах биз.

Иргэд ч юм шиг, MCS ч юм шиг засгийн газрыг огцруулах гэсэн толхион дээр Ерөнхиийлөгч хүч түрэн орж ирж “ажлаа өг” хэмээн загнаснаар намын гишүүддээ эрх мэдэл, албан тушаал бэлэглэж. 2027 онд болох их улс төрийнхөө замыг заслаа хэмээн харагдаж байна.