МАН-ын Бага хурал өчигдөр /2025.05.21/ 15.00 цагаас эхлэн шөнөжин хуралдаж, шөнийн 03.00 цагийн үед улстөрийн шийдвэр гаргасан.

Ингэхдээ "Бүлгийн нэр бүхий гишүүд ЗГ-т хамтарч ажиллах гэрээг удаа дараа зөрчсөн үндэслэлээр ЗГ-ын бүрэлдэхүүнээс гаргахаар МАН-ын Бага хурал шийдвэрлэлээ" хэмээн МАН-ын Генсек Я.Содбаатар танилцуулсан. Тэрбээр, “Намын төлөөллийн төв байгууллага болох Бага хурал олонхоороо шийдвэр гаргасан учраас энэ шийдвэрийг хамтарсан Засгийн газарт орж ажиллаж байгаа бусад улс төрийн намуудад танилцуулна. Мөн Хамтарсан Засгийн газар байгуулах гэрээнд заасны дагуу Бодлогын зөвлөлд асуудлыг танилцуулж, дараагийн алхмыг хийнэ" гэсэн юм.