АНУ-ын ерөнхийлөгч асан Жо Байден түрүү булчирхайн хорт хавдраар оношлогдож, хавдар нь яс руу нь тархсан болохыг түүний хэвлэлийн албанаас мэдээлсэн билээ.  82 настай Байден шээсний шинж тэмдэг үзүүлж эхэлсний дараа баасан гарагт /2025.05.16/ оношилгоонд ороход хавдар илэрсэн байна. Тэр гэр бүлтэйгээ эмчилгээний сонголтуудыг авч үзэж байгаа гэж эмч нар мэдэгджээ.

Уг мэдэгдлийн араас  АНУ-ын ерөнхийлөгч Доналд Трамп өөрийн байр суурийг илэрхийлжээ. Ингэхдээ, Би үнэхээр гуниглаж байна. Мөн бид өөрсдийн зүгээс түүнд эрүүл энх, сайн сайхан байгаасай хэмээн хүсэн ерөөе. Түүнийг түргэн бөгөөд амжилттай эмчилгээгээ даван туулж эдгэрээсэй гэж хүсэж байна" хэмээн Трамп тэргүүн хатагтай Меланиа Трампын өмнөөс мэдэгджээ.

2020 оны АНУ-ын ерөнхийлөгчийн сонгуульд Байден Трампыг ялж байсан билээ. Харин 2024 оны ерөнхийлөгчийн сонгуулийн өмнөх мэтгэлцээнд тун тааруу оролцож хүмүүсийн дунд өндөр наснаас үүдэн оюун санаа нь хурц байхаа больсон мэт зовнилыг үүсгэж нэрээ татсан юм.