"Комедиан" Д.Амартүвшин "Төв цэнгэлдэх хүрээлэн" ХХК-ийн захирал Ж.Энхжаргаланг тухайн албан тушаал дээр ашиг сонирхол зөрчилтэй байна хэмээн үзэж АТГ шалгуулах хүсэлт гаргасан. Гэвч АТГ Ж.Энхжаргаланг албан тушаалаа хэрэгжүүлэхдээ өөрийн эрх ашиг сонирхлыг хөндсөн шийдвэр гаргаж, гэрээ байгуулсан нөхцөл байдал тогтоогдоогүй гэсэн хариу өгсөн. Харин Д.Амартүвшин АТГ-т дахин гомдол гаргажээ. Тэрбээр "Төв цэнгэлдэхэд өөрийн хамаарал бүхий компанийн XMF тоглолтыг зохион байгуулдаг. АТГ ийм илтэд сонирхлын зөрчлийг өөхшүүлээд байхаар авлига монголд яаж буух юм бэ. Татвар төлөгчдийн мөнгөөр тансаглагсад даврахгүй гээд яах юм" гэжээ.