Ё.Баатарбилэг нь Монгол Улсын Их Хурлын гишүүн байхдаа “НВЦ” ХХК-ийн захирал Ц.Баатарбилэгт ашиг сонирхлын үүднээс Хөгжлийн банкнаас “НВЦ” ХХК-ийг зээл авахад нь дэмжлэг үзүүлж, албан тушаалаа урвуулан ашигласан хэрэгт шалгагдсан юм. Хэргийн явцад тэрээр 2017 оны есдүгээр сарын 19-ний өдөр Ц.Баатарбилэгээс 100 мянган ам.доллар буюу 246 сая 825 мянган төгрөгийн хахууль авсан, мөн 2017 оны тавдугаар сарын 18-ны өдөр Сүхбаатар дүүргийн 7 дугаар хороо Сэлбэ хотхоны “Ф” байр .... тоот хаягт байрлалтай орон сууц, тус хаягт байрлалтай 9 тоот авто зогсоолыг иргэн Б.Ганбаатараас бэлнээр 320 сая төгрөгөөр, 2017 оны аравдугаар сарын 27-ны өдөр 2014 онд үйлдвэрлэгдсэн, 00-00 УНО улсын дугаартай, хар өнгийн Лексус 570 маркийн автомашиныг Хятад Ард Улсын иргэн DONG, YE /Дон Е/-ээс бэлнээр 133 сая төгрөгөөр тус тус худалдан авсан гэх хэрэгт холбогдож, зургаан жилийн хорих ял шийтгэгдсэн юм.

Дээрх гэмт хэргийг гурван шатны шүүхээр авч хэлэлцээд ялыг хэвээр үлдээсэн бөгөөд тэ0ээр өдгөө Хархорины хорих ангид биеэр ял эдэлж байна