УИХ-ын Төсвийн байнгын хорооны өнөөдрийн хуралдаанаар Монгол Улсын Ерөнхий аудиторын албан тушаалд нэр дэвшигчийн сонсголын тайланг хэлэлцлээ.

Монгол Улсын Ерөнхий аудиторыг УИХ-ын даргын санал болгосноор УИХ нэр дэвшигчийн сонсгол хийж, зургаан жилийн хугацаагаар томилно гэж заасны дагуу Төсвийн байнгын хорооноос нэр дэвшигчийн сонсголыг өнөөдөр зохион байгуулсан юм. УИХ-ын дарга Д.Амарбаясгалан Монгол Улсын Ерөнхий аудиторын албан тушаалд С.Магнайсүрэнг нэр дэвшүүлсэн.  

Байнгын хорооны хуралдаанд оролцсон 18 гишүүнээс 18 нь буюу 100 хувийн саналаар С.Магнайсүрэнг Монгол Улсын Ерөнхий аудитороор томилохыг дэмжив.