Боловсролын сайд П.Наранбаяр их дээд сургуулиудын хичээл эхлэх болон дуусах хугацаанд өөрчлөлт оруулах боломжтой талаар өөрийн албан ёсны цахим хуудас мэдээллээ. Тодруулбал, "Их дээд сургуулиудыг 10-р сарын 1-нээс 7-р сарын эхэн хүртэл хичээллүүлэх санал явж байна. Энэ боломжтой, олон талын ач холбогдолтой гэж бодох юм. Олон улсын ихэнх их сургуулиуд 10-р сарын 1-нээс хичээллэж эхэлж байна" гэв. Намар хичээлийн шинэ жилийн үеэр авто замын хөдөлгөөн ихсэхэд тодорхой хувийг их дээд сургуулийн хичээлийн цаг нөлөөлдөг. Тиймээс их сургуулиудын хичээл эхлэх цагийг нэг сарын дараа эхлүүлэх нь зарим талаараа ач холбогдолтой.