Монгол Улсын Засгийн газрын өнөөдрийн (2025.04.30) хуралдаанаас гарсан шийдвэрүүдийг танилцууллаа. 

Өнөөдрийн хуралдаанаар Хойд бүсийн хөгжлийг эрчимжүүлэх чиглэлд гурван шийдвэр гаргасныг албажууллаа. Таван салбар хуралдаан зохион байгуулагдсан. Нийт 190 гаруй санал, зөвлөмжүүдийг иргэдийн зүгээс гаргасан. Энэ хүрээнд хойд бүсийн хөгжлийг эрчимжүүлэх тухай, дөрвөн улирлын аялал жуулчлалыг хөгжүүлэх тухай, хойд бүсэд үйлдвэрэл технологийн паркыг дэмжих тухай гэх гурван төслийг Булган аймагт баталсан. Энэ тогтоолын төслүүд дээр холбогдох яамдуудын саналыг тусгаад албажуулж байна. 

Үүнд, Хөвсгөл аймгийн Мөрөн сумад хэрэгжүүлэх 50 мваттаас доошгүй хүчин чадалтай ДЦС-ын техник, эдийн засгийн үндэслэлийг боловсруулах асуудлыг шийдвэрлэлээ. Мөн Хөвсгөл аймгийн Ханх, Хатгал, Жаргалант, Шинэ Идэр, Мөрөн чиглэлийн хатуу хучилттай авто замын төслийг хэрэгжүүлэхээр шийдвэрлэлээ. 

Мөн Булган аймгийн Дашинчилэн, Өлзийт, Хайрхан, Рашаант, Мөрөн чиглэлийн автозамын ажлыг эрчимжүүлээд Хишиг Өндөр, Гурванбулаг чиглэлийн автозамаас Могод, Булган, Мөрөн чиглэлд зураг төсөл гаргах ажлыг албажууллаа" гэлээ.