Хойд бүсийн зөвлөл анхдугаар хуралдааны үеэр Эрүүл мэндийн сайд Т.Мөнхсайхан дараах мэдээллийг өглөө.

"Ер нь манай хойд бүсэд хавдрын тохиолдол маш их. Булган аймаг бол улсдаа тэргүүлж байгаа. Эрдэнэт, Хөвсгөл аймаг улсын дундажаас нэлээд дээгүүр байгаа. Тэгэхээр бид нар хойд бүсдээ хавдрын тусламж үйлчилгээ үзүүлдэг төвтэй болох ёстой юм байна гэдэг улсын хэмжээнд анх удаа яригдаж байна. Эрдэнэт үйлдвэрийн харъяанд байдаг төрийн өмчийн "Эрдэнэт медикал" эмнэлгийг ЭМЯ-ны харъяа ХСҮТ-ийн харъяа хойд бүсийг хариуцсан эмнэлэг болгох асуудлыг өнөө орой эцэслэн ярихааар төлөвлөөд байна. Ингэснээр бид нар яг Улаанбаатар хотын хэмжээний тусламж үйлчилгээг хойд бүсийн иргэд үзүүлэх боломж нээгдэх юм. ХСҮТ-ийн эмч нар маань "Эрдэнэт медикал" эмнэлгийн эмч нартай сэлгэн ажиллаж, Улаанбаатар хотод очихгүйгээр хойл бүсдээ эмчилгээ үйлчилгээ авах боломжийг бүрдүүлнэ. Манай улсын хувьд өмнө нь улсын томоохон лавлагаа шинжилгээний төвүүд орон нутагт салбартай байж Улаанбаатарын хэмжээний тусламж үйлчилгээ үзүүлж байсан тохиолдол байхгүй. Энэ тогтоол маань албажаад гарвал анхны тохиолдол, ард иргэдэд маш хэрэгтэй зүйл болно. Өнөөдөр хойд бүсийн 306 мянган иргэнээс 3500 орчим иргэн хавдартай ХСҮТ дээр эмчилгээнд хяналтад явж байгаа. Жилдээ хойд бүсээс 800 орчим хавдрын шинэ тохиолдол бүртгэгдэж байгаа. Энэ бүхэн Улаанбаатар руу явж байгааг зогсоож, бүсдээ үйлчилгээ авах нь тогтолцооны томоохон шийдвэр юм. Яамны гол зорилго нь төвлөрлийг сааруулах ард иргэд амьдарч байгаа бүс нутгаасаа бүхий л тусламж үйлчилгээг авдаг болгохоор ажиллаж байна.

Үүний хүрээнд Орхон аймагт бүсийн оношилгоо эмчилгээг хөгжүүлсэн 1000 дахь тохиолдлынхаа нээлтийг хийх гэж байна. Цаашдаа Орхон, Булган, Хөвсгөл аймагт зүрх судас, хавдар, гэмтэл гээд тэргүүлж байгаа чиглэлийг бүгдийг нь аймагтаа үзүүлэх, бүсчлээд үйлчилгээг нэгдсэн журмаар үзүүлдэг болохоор ажиллаж энэ удаагийн Засгийн газрын хуралдаанд оролцож байна." гэв.