Монгол Улсын Засгийн газар, ОХУ-ын Засгийн газар хооронд байгуулагдах Агаарын хөлгийн түлш нийлүүлэх хэлэлцээртэй холбоотой асуудлаар Гадаад харилцааны сайд Б.Батцэцэгээс тодрууллаа.

Тэрбээр "Энэ асуудал бол хос гэрээ. Өөрөөр хэлбэл бид газрын тосны бүтээгдэхүүн болох түлш, шатахуунаа ОХУ-ын Роснефть компаниас авдаг. Түүний үргэлжлэл болох хоёр дахь гэрээ нь Агаарын хөлгийн түлшийг тасралтгүй нийлүүлэх энэ хэлэлцээр юм. Манай тал ч өөрсдөө хүсэлтээ гаргасан байдаг. ОХУ-д үүсээд байгаа геополитикийн хүнд цаг үед тус улсаас авах газрын тосны бүтээгдэхүүнээр тасралтгүй хангагдах агуулгын хүрээнд энэ асуудлыг анх ярьсан байдаг. Мэдээж гэрээний төслийг болих орчуулсан зэрэг шүүмжлэлүүд гарч байна. Тухайн хариуцаж байгаа салбарын яам нь гэрээгээ орчуулж, манай яам хянадаг үүрэгтэй. Гэхдээ асуудлаас зугтах гээд байгаа юм биш, адилхан хариуцлага яригдах нь зүйн хэрэг. ОХУ-ын Ерөнхийлөгч В.В.Путин манай улсад төрийн дээд хэмжээний айлчлал хийх үед ЭХЯ болон Аж үйлдвэр, Эрдэс баялгийн яам хамтарч яаралтай горимоор гэрээг урьдчилж тохирсон байдаг. Ингэхдээ орчуулгын зарим нэг болих алдаа гаргасан байхыг үгүйсгэхгүй учраас одоо ч засварлах бүрэн боломжтой" гэв