Казахстан Улсаас Монгол Улсад суугаа Онц бөгөөд Бүрэн эрхт Элчин сайд Габит Койшибаевыг үүрэгт ажлаас нь чөлөөлөх тухай Казахстаны төрийн тэргүүн Касым-Жомарт Токаев зарлиг гаргасан байна. Бүгд Найрамдах Казахстан Улсаас Монгол улсад суух Онц Бөгөөд Бүрэн эрхт элчин сайдаар Алмас Сейтакынов гэх эрхмийг тус улсын төрийн тэргүүн томилсон зарлиг гаргасан тухай “Казинформ” агентлаг Акордагийн хэвлэлийн албанаас мэдээллээ. Алмас Сейтакынов нь  Бүгд Найрамдах Казахстан Улсаас БНХАУ-н Хонконг,Макао засаг захиргааны онцгой бүс дэх ерөнхий консулаар ажиллаж байгаа бөгөөд Аль-Фарабигийн их сургуулийн олон улсын харилцааны факультетийг 2008 онд төгссөн байна.

2008-2009 онд БНКУ-н Ази, Африкийн газрын атташе

2009-2014 онд БНКУ-с БНХАУ-д суугаа Элчин сайдын яамны 3-р нарийн бичгийн дарга, атташе

2014-2015 онд БНКУ-н Гадаад хэргийн яамны Ази, Африкийн газарын 3-р нарийн бичгийн дарга

2015-2019 онд БНХАУ-ын Шанхай хот дахь ерөнхий консулийн газарын 3-р нарийн бичгийн дарга, 1-р нарийн бичгийн дарга

2019-2020 онд БНКУ-н Гадаад хэргийн яамны Ойрхи дорнод, Ази, Африкийн консулын газарын дарга

2020-2022 онд Гадаад хэргийн яамны Ази, Номхон далайн бүсийн дарга

2022 оны наймдугаар сараас Бүгд Найрамдах Казахстан Улсаас БНХАУ-н Хонконг,Макао засаг захиргааны онцгой бүс дэх ерөнхий консулаар ажилласан.

Казах, орос, англи хэл мэддэг. “Ард түмний талархал” одонгоор шагнагдсан. Гэр бүлийн байдалын хувьд гэрлэсэн зэрэг мэдээлэл Казахстаны засгийн газарын сайтаас олдож байна. Элчин сайдуудын хувьд улс төрийн томилгоогоор сонгогдох асуудал улс орнуудад байдаг ч түүний намтар нь мэргэжлийн дипломат гэдгийг нь тодотгож байгаа бөгөөд сүүлд хятадын “Бүс ба зам” санаачлагатай холбоотой арга хэмжээнд оролцож байжээ.

Мөн Казахстан Улсаас Бүгд Найрамдах Ардчилсан Социалист Шри Ланк Улсад суух Онц бөгөөд Бүрэн эрхт Элчин сайдаар Сергей Викторовыг Казахстанаас Шведэд суугаа Онц бөгөөд Бүрэн эрхт Элчин сайд Олжас Сулейменовыг Казахстанаас Дани улсад суугаа Онц бөгөөд Бүрэн эрхт Элчин сайдаар нэгэн зэрэг томиллоо. Сануулахад Казахстаны төрийн тэргүүн Касым-Жомарт Токаев Толежан Барлыбаевыг Казахстанаас Украинд суух Онц бөгөөд Бүрэн эрхт Элчин сайдаар томилсон юм.