УИХ-ын 2025 оны хаврын ээлжит чуулганы нэгдсэн хуралдааны 04 дүгээр сарын 18-ны өдрийн ирцийн мэдээг танилцууллаа.

Нийт 126 гишүүнээс өнөөдрийн хуралдаанд 16 нь ирсэнгүй. Үүнд:

• Чөлөөтэй 6
• Эмнэлгийн чөлөөтэй 5
• Гадаадад томилолттой 2
• Орон нутагт томилолттой 3.

Чөлөөтэй 6 гишүүний нэг нь Х.Баттулга. УИХ-ын Ёс зүй, дэгийн байнгын хорооны хуралдаанаар (2025.04.09) Х.Баттулга гишүүнд хариуцлага тооцох тухай асуудлыг хэлэлцсэн. Учир нь тэрбээр УИХ-ын намрын чуулганы хугацаанд 67 цагийн таслалттай байжээ. Улмаар Ёс зүй, дэгийн байнгын хороо УИХ-ын гишүүн Х.Баттулгын цалинг зургаан сарын хугацаанд 20 хувиар бууруулах шийдвэр гаргасан юм.

УИХ-ын гишүүн Х.Баттулга хэвлэлд өгсөн ярилцлагадаа “Одоо хуралдаа сууж байна. Ээж ч загнаад байгаа” гэж ярьсан байв. Цалингаа хасуулж, ээждээ загнуулсан ч тэр өнөөдөр дахиад л чөлөө авчээ.