"Орон сууцанд захиалга авна" гэж иргэдээс их хэмжээний мөнгө залилсан Т гэгч этгээдэд холбогдох хэргийг шүүх хэрэгсэхгүй болгожээ. Учир нь "хэрэг үйлдэгч Т гэгч нь нас барсан" гэх тодорхойлолтыг УБЕГ-ын ажилтнаар хуурамчаар хийлгэж,  шүүхэд хүргүүлсэн байжээ. 

УБЕГ бол үндэсний аюулгүй байдлыг бэхжүүлэх, улс орны эдийн засгийн өсөлтөд дэмжлэг үзүүлэх, төрийн ой санамжийг бүрдүүлэх, төрөөс иргэн, хуулийн этгээдэд үзүүлэх улсын бүртгэлийн үйлчилгээг хүртээмжтэй шуурхай хүргэх эрхэм зорилготой Засгийн газрын хэрэгжүүлэгч агентлаг. Гэвч эл газрын дарга нь архидан согтуурч, нэгнээ зодож, мэргэжилтнүүд нь хууль бус үйл ажиллагаанд оролцсоор. Улсын бүртгэлийн ерөнхий газрын тодорхойлолт гэдэг хөдлөшгүй бат баримт гэж ойлгодог. Гэтэл ажилтан нь төрийн байгууллагын нэр барьж иргэдийг хохироосон этгээдийг "нас барсан" хэмээн тодорхойлж гэмт хэргээс мулталжээ. 

Цахим үндэстэн хэмээн цээжээ дэлдэж буй манай улсын дарга нар энэ мэт үйлдлийг хэрхэн анзаарч байгаа бол...