"АНУ, Хятадын хооронд худалдааны дайн үүсчихээд байна. Бид хилийн чанадад болж байгаа үйл явдлыг өөрчилж чадахгүй. Гэхдээ болзошгүй өөрчлөлтөд бэлэн байдлаа хангах нь Монгол Улсын стратеги. Цар тахал, Орос Украины дайны үед мөн ийм шок өгч байсан. Засгийн газраас эдийн засгаа хамгаалах төлөвлөгөөг боловсруулж хэрэгжүүлэхээр төлөвлөсөн" гэж Засгийн газрын тэргүүн хэлж байна. 

Монгол Улсын ерөнхий сайд Л.Оюун-Эрдэнэ:

-АНУ, Хятадын хооронд худалдааны дайн үүсчихээд байна. Энэ урт болон дунд хугацаанд эдийн засагт шок өгч байна. БНХАУ нийт цахилгаан машины 62 хувийг эзэлдэг. Энэ цахилгаан машины үйлдвэрлэлд манай нийлүүлдэг эрчим хүчний болон коксожсон нүүрсийг ашигладаг. АНУ-ын зах зээлийг үнэтэй болгочихоор нүүрсний үнэ унаж байна. Энэ нь манай эдийн засагт, экспортод сөргөөр нөлөөж байна. Энэ нөхцөл байдлыг тодорхойлох боломж бага байна. Долоо хоног бүр өөр байна. Иймд бид маш тодорхой төлөвлөгөөтэй байх ёстой. Бид одоо байгаа, одоогоос муу, одоо байгаагаас эерэг гэдгийг тооцоолж үзсэн. Эдгээр дээр арван шийдэл байх нь зүйтэй гэж үзсэн. Эдгээрийн 5-6 нь Засгийн газартай холбоотой. 4-5 нь зайлшгүй УИХ-аар орох асуудал байгаа. Түүнчлэн үндэсний аюулгүй байдлын түвшинд бүх институт, хувийн хэвшил, банкны салбарууд хамтдаа шийдэх шийдэл байна. Үүнд нүүрсний экспортыг хэрхэн нэмэгдүүлэх вэ? Нүүрсний экспортын өртгийг хэрхэн бууруулах вэ? Импортыг багасгах уу, төлбөрийн тэнцэл валютын нөөцөө яаж хамгаалах вэ? Аж ахуй нэгжүүдийг хэвийн нөхцөлийг хэрхэн хамгаалах вэ зэрэг багц саналууд байна. ҮАБЗ дээр танилцуулга хийсэн. УИХ-ын дарга болон намуудын дарга, байнгын хороодын дарга нарт тус танилцуулгыг хийсэн. Засгийн газраас төлөвлөлтүүдээ хэрэгжүүлээд явна. 

Хамгийн чухал Ганцмод Гашуунсухайтын төмөр замын бүтээн байгуулалтын ажил тавдугаар сарын 14-ний өдрөөс эхлэхээр байна. Томоохон төслүүдийг УИХ-аар амжиж батлуулсан нь дэлхийн геополитикийн хүнд асуудлыг даван туулах суурь болох юм. Бид хилийн чанадад болж байгаа үйл явдлыг өөрчилж чадахгүй. Гэхдээ болзошгүй өөрчлөлтөд бэлэн байдлаа хангах нь Монгол Улсын стратеги. Цар тахал, Орос Украины дайны үед мөн ийм шок өгч байсан. Энэ байдлаас гарахын тулд бид боомт болон бусад бодлогоо амжилттай хэрэгжүүлж байсан гэв.