УИХ-ын чуулганы нэгдсэн хуралдаанаар АТГ -ын даргыг улируулан томилох Ерөнхий  сайдын санапыг хэлэлцэж байна. Хэлэлцэж буй асуудалтай холбогдуулан гишүүд асуулт асууж, үг хэлэв. Энэ үеэр УИХ-ын гишүүн Д.Батлут  Х.Баттулга гишүүнд сонгуулийн үеийн амлалтыг санууллаа. 

УИХ-ын гишүүн Д.Батлут:  Хойд бүсээс олон гишүүн сонгогдон ажиллаж байна. Х.Баттулга гишүүн Эрдэнэтэд очиж уулзахдаа “Байгалийн баялгаасаа иргэд хувь хишиг хүртэх ёстой” гэж ярьсан байна лээ. Сонгуулийн үеэр бас арван сая төгрөгийн хэрэглээний зээл авсан иргэдийн зээлийг тэглэнэ гэдэг яриаг ч бас гаргаж ирсэн. Одоо бодох нээ энэ мөнгөний эх үүсвэр нь тодорхой байсан юм байна гэж хараад байна. Айлуудын арван сая төгрөгийн зээлийг тэглэнэ гэвэл улсын төсөв барахгүй. Харин Төгрөг нуурын ордыг 250 сая ам.доллараар заржээ. Одоогийн ханшаар бодвол энэ нь 830 тэрбум төгрөг болохоор байна. Манай хойд бүс 80 мянган айл өрхтэй. Яг үнэн байсан юм байна. Одоо итгэл үнэмшил төрж байна. Энэ зээлийг хэзээ тэглэх юм бол? Энэ асуудлыг нэхэж ажиллана гэж бодож байна. Х.Баттулга гишүүн маань 80 мянган өрхийг хэрэглээний зээлийг тэглэхээр бэлдсэн байжээ. Иргэд сонгогчдынхоо өмнөөс талархаж байна гэв.