Сүүлийн өдрүүдэд УИХ-ын гишүүн М.Нарантуяа цахим орчинд хүмүүстэй хэрэлдэж ёс бус үг хэллэгээр бусдыг дайрч доромжилж байгаад иргэд бухимдалтай байгаа юм. Тийм ч учраас түүнийг ёс зүйн байнгын хорооны хурлаар оруулах ёстой гэж шүүмжилж бичиж байгаа хүмүүс ч олон. 

Тэгвэл сэтгүүлчид М.Нарантуяа гишүүнээс энэ талаар нь тодруулахад, Би энэ үйлдлийг ёс зүйн зөрчил гэж үзэхгүй байна. Миний хувьд бол энэ ёс зүйн зөрчил биш. Энэ бол хоёр хүний хоорондын харилцааны асуудал. Миний хэлсэн зүйл ор үндэсгүй худал биш нийгэмд байгаа үзэгдлийг гашуун үнэнээр нь хэлсэн явдал. Олон нийтийн өмнө ёс зүйгүй авирласан зүйлгүй учир уучлал гуйхгүй гэдгээ үүгээр мэдэгдэж байна.