Хүүхэд хамгааллын тухай хуулийн шинэчилсэн найруулга 2024 оны 9 дүгээр сарын 1-нээс хэрэгжиж эхэлсэн.

Тус хуулийн дагуу хуулийн этгээд, байгууллага бүр Хүүхэд хамгааллын бодлого баталж, хэрэгжилтийг хангахаар тусгасан. Хүүхэд хамгааллын тухай хуулийг дагалдаж, Төрийн болон орон нутгийн өмчөөр бараа, ажил үйлчилгээ худалдан авах тухай хуульд нэмэлт орж, тендерт оролцогч байгууллагад дээрх шаардлагыг нэмж тавих болсон. Тус хуулийн 7.1.10 Хүүхэд хамгааллын тухай хуулийн 30.4 т заасан Хүүхэд хамгааллын бодлого батлаагүй хуулийн этгээдийг тендерт оролцогчийн ерөнхий шаардлага хангаагүйд тооцно гэж заасан.

Иймд төрийн болон орон нутгийн аливаа тендерт оролцогч байгууллага нь Хүүхэд хамгааллын бодлого баталж, хэрэгжилтийг хангах шаардлагатай юм.