Өмнөговь, Дундговь аймагт улаанбурхан өвчний тохиолдол гарч улмаар нэмэгдсэн учир тус аймгууд хичээл сургалтын үйл ажиллагааг цахим хэлбэрт шилжүүлсэн. Харин уг шийдвэрийг боловсролын сайд П.Наранбаяр Боловсролын ерөнхий хуулийг хэрэгжүүлэхгүй, Боловсролын асуудал эрхэлсэн төрийн захиргааны төв байгууллагад урьдчилан санал хүргүүлэхгүйгээр үйл ажиллагааг хязгаарлаж, танхимын бус хэлбэрт шилжүүлж хууль тогтоомж зөрчлөө хэмээн мэдэгдсэн. Улмаар уг хоёр аймгийн шийдвэрийг цуцлуулж, сургууль, цэцэрлэгийн танхимын хэлбэрт шилжүүлсэн талаар мэдээлэл өглөө. 

Сүүлийн 24 цагийн байдлаар Улаанбаатар хотоос 12, Дундговь аймгаас 8, Өмнөговь аймгаас 4 тохиолдол тус тус батлагдаж, нийт улаанбурханы лабораториор батлагдсан 51 тохиолдол, сэжигтэй 11 тохиолдол бүртгэгдээд байгаа билээ. 

Боловсролын сайдын мэдэгдэлд Дундговь аймгийн засаг дарга С.Мөнхчулуун "Дундговь аймгийн Засаг дарга С.Мөнхчулуун: "Эрүүл мэндийн газраас ноцтой гэж санал гаргаад, аймгийн Онцгой комисс хуралдаж шийдээд Засаг дарга захирамж гаргасан. Өчигдөр хоёр тохиолдол батлагдсан, өнөөдөр зургаан тохиолдол, дахиад найман сэжигтэй тохиолдол илэрсэн тул ХӨСҮТ-д сорьцын нь хүргүүлээд байна. Хичээл карантинлаагүй, цахимд шилжүүлсэн байгаа. Бид хүүхдүүдийнхээ эрүүл мэндийг тэргүүнд тавина" гэсэн байр суурь илэрхийллээ.