Л.Гантөмөр: Ордноор дүүрэн хулгай хийсэн хүмүүс байхад ганц багшаар оролдох хэрэггүй

2025-02-12,   137

Асран хамгаалах хүнгүй дөрвөн хүүхдийг нийтийн хандиваар байранд оруулахдаа төлбөрийг нь өөр зүйлд зарцуулсан гэх асуудалд УИХ-ын гишүүн Ц.Мөнхтуяа холбогдоод буй. Энэ асуудлаараа мэдээлэл хийхдээ нийтийн сүлжээнд зүй бус үг хэллэг хэрэглэсэн нь олны эсэргүүцэлтэй тулгарч байгаа. Энэ талаар АН-ын дарга Л.Гантөмөр “Ц.Мөнхтуяа гишүүн боловсролын салбарт бугшсан авлигатай ганцаараа хэрэлдэж байсан. Өнгөрсөн дөрвөн жилжингээ жагслаа, хэрэлдлээ, захирлуудтай туллаа, үзэлцлээ. Өнөөдөр хэн нэгэнтэй хэрэлдээгүй. Ц.Мөнхтуяагийн хэдэн жилийн өмнөх бичлэгийг нь гаргаж сэвээд, тодорхой хүмүүс тараагаад байгаа гэж сонссон. Энэ нь АН-ын гишүүдийн нэр хүндэд халдах л зорилготой байх. Мөнгөний маргааныг өөрөөс нь тодруулсан нь дээр байх. Ордноор дүүрэн тэр байтугай хулгай дээрэм хийсэн хүмүүс байхад та нар нэг багш хүнээр оролдоод байх хэрэг байгаа юм уу. Би Ц.Мөнхтуяаг мөнгө авсан гэж бодохгүй байна. Хүний мөнгийг авчихсан бол хуулийн дагуу хариуцлага хүлээх ёстой. АН-ын Улс төрийн зөвлөл намынхаа бодлогын эсрэг явсан хүмүүстэй хариуцлага тооцож амжаагүй байж бусад хүмүүсийг ярих боломж алга. Анх жагсаалтад оруулахдаа багш нарын төлөө зүтгэх хүн гэж сонгосон. Заавал мөнгөтэй, мундаг хүн гишүүн болох албагүй, жирийн багшийг гишүүн болгосон. Гол нь багш нарын төлөө тэмцэж чаддаг, үзээтэй хүн гэж сонгосон" гэв. 


Л.Гантөмөр: Ордноор дүүрэн хулгай хийсэн хүмүүс байхад ганц багшаар оролдох хэрэггүй
Бусад мэдээ
Сэтгэгдэл
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд chig.mn хариуцлага хүлээхгүй.

Нийт сэтгэгдэл: 0
Шинэ мэдээ
Бидний тухай
Үнсэн цэс
2025 © Зохиогчийн эрх хуулиар хамгаалагдсан.