Нэгдүгээр сарын 23-24-нийг шилжих шөнө Баянгол дүүргийн 22-р хороонд амьдардаг гэр бүлийн 6 хүн угаартаж нас барсан харамсалтай хэрэг гарсан. Энэ гэр бүлээс ганцаар үлдсэн хүү О.Одбаяр осол болох үед цэргийн албанд байсан. Харамсалтай явдлын дараа тэрбээр мэдээлэл хийсэн бөгөөд үүний араас ээж О-г архичин байсан, хүү О.Одбаярыг хулгайн хэргээр ял шийтгэгдэж байсан гэх мэдээлэл тараасан. Үүнийг цагдаагийн байгууллагаас задалсан гэх хардлага үүсэхэд ЦЕГ-аас олон нийтийн сүлжээнд гарсан дээрх мэдээллийг үнэн бодит эсэхийг эхний ээлжинд яаралтай шалгаж тогтооё. Хэрэв үнэн бол задруулсан албан тушаалтаныг олж тогтоон, хуулийн хариуцлага хүлээлгэх нь зүйн хэрэг гэсэн. 

Тэгвэл уг мэдээллийг задалсан иргэнийг олж тогтоосон байна. Энэ талаар ХЗДХ-ийн сайд О.Алтангэрэл "Яамдуудын ажлын хэсэг, нийслэлийн холбогдох мэргэжилтнүүдийн утааны мэдээлэл солилцдог группээс байгууллагуудын тавьсан мэдээллийг олж авч бэлдсэн болох нь тогтоогдсон. Ингээд нийлүүлж боловсруулсан иргэн Б-г бусад дөрвөн хүний хамт шалгаж эхэлсэн" гэлээ.