“Эрдэнэс Тавантолгой” компанийн өнгөрсөн оны ногдол ашгаас 12 дугаар сард 121,500 төгрөг хуваарилсан. Улмаар нэг, хоёрдугаар сард үлдэгдэл ногдол ашгийг өгнө хэмээн тухайн үед мэдээлж байв. Тиймээс иргэдийн дунд цагаан сарын өмнө ногдол ашиг орох байх гэсэн хүлээлт үүсээд буй. Энэ талаар "Эрдэнэс Тавантолгой" ХХК компанийн санхүүгийн тайлан гарсан. ТУЗ хоёрдугаар сарын 19-ний өдрийн дотор хуралдаж хэлэлцэнэ гэх мэдээлэл өгсөн.  Тодруулбал, ТУЗ шийдвэр гаргавал үлдэгдэл ногдол ашгийг иргэдийн дансанд шилжүүлэх юм.