ХЭҮК 2025 оны нэгдүгээр сарын 11-25-ны хооронд үргэлжилсэн гурван өөр шаардлага бүхий жагсаал цуглаанд хуульд заасан бүрэн эрхийнхээ хүрээнд ажиглалт хийж, дүгнэлт гаргаснаа танилцууллаа. 

Онцолбол,  

• Морьтой жагсаалд гурван хүүхэд оролцсон. Монгол Улсад хүчин төгөлдөр үйлчилж буй хууль тогтоомжийн дагуу жагсаал цуглаанд бага насны хүүхэд оролцуулахыг хориглосон байдаг учраас хүүхдийн эрхийн зөрчил гэж үзсэн. 
• Жагсаал цуглаанд гэрийн тэжээвэр, мал амьтан оролцуулахыг хориглодог. Жагсаал хэдийгээр морьтой гэсэн онцлогтой боловч хүүхдэд морь унуулж жагсаал цуглаанд оролцуулсныг ХЭҮК зөрчил гэж дүгнэсэн
•  2025 оны нэгдүгээр сарын 11-22-ны өдрүүдэд үргэлжилсэн "Эрх чөлөө эвсэл" намаас зохион байгуулсан жагсаалын үеэр нийт 43 хүүхэд байсныг цагдаагийн байгууллагаас холбогдох арга хэмжээг авч, хүүхдийг ар гэрт нь хүлээлгэн өгөх, зөвлөмж танилцуулах зэргээр эрсдэл үүсэхээс урьдчилан сэргийлж ажилласан тухайгаа мэдээлсэн. Жагсаал цуглаанд оролцохдоо хүүхдийн эрх ашгийг хамгаалж, хүүхдийг хэрэгсэл болгож татан оролцуулахаас урьдчилан сэргийлэх шаардлага байна.