УИХ-ын намрын чуулган завсарласантай холбогдуулан Эрүүл мэндийн сайд, ЭМЯ-ны баг эмнэлгүүдэд ажиллаж эхэллээ. Энэ ажлын хүрээнд 3 хоног “Хавдар судлалын үндэсний төв”-д ажиллаж тус төвөөр үйлчлүүлж буй иргэдтэй уулзан, эмнэлгийн тусламж үйлчилгээнд үүсэж буй хүндрэл, ачаалал, асуудлуудыг шийдвэрлэж ажиллахыг эмнэлгийн удирдлагуудад үүрэг болголоо.  Түүнчлэн, 

• Орон нутгийн иргэд 21 хоногт 2 удаа ирж үзүүлдэг MRI CT аппаратын ачаалал их байгааг
• Хими эмчилгээний эмийн тасарсан асуудлыг
• Ажилчдын илүү цагийн цалин урамшууллыг
• Эрүүл мэндийн даатгалтай холбоотой ойлголтын зөрүү зэрэг асуудлуудыг шийдвэрлэжээ. Эрүүл мэндийн сайд ажил хүлээж авснаасаа хойш дөрөв дэх удаагаа ХСҮТ-д ажиллаж байгаа бөгөөд энэ удаад Лхагва гараг /2025.01.29/ хүртэл ажиллана. Ташрамд дурьдахад, улсын хэмжээнд төвлөрсөн тусламж үйлчилгээний гол ачааллыг үүрдэг “Хавдар судлалын үндэсний төв”-өөр 7 хоногт 3800-4000 иргэн үйлчлүүлж хавдрын тусламж үйлчилгээ авч байна.

Эх сурвалж: Эрүүл мэндийн яам