УИХ-ын гишүүн Ц.Мөнхтуяа Боловсролын сайд П.Наранбаярт "2024-2025 оны хичээлийн жилийн II улирлын 10 дахь долоо хоногт зохион байгуулагдах  бие даалтын долоо хоногийг наашлуулж, цагаан сарын дараа буюу 2025 оны 3 дугаар сарын 3-7-ны хооронд зохион байгуулах" талаар санал хүргүүллээ. Тодруулбал, бие даалтын долоо хоногийг цагаан сарын дараа үргэлжлүүлэн зохион байгуулснаар хичээл сургалтын үйл ажиллагаа доголдохгүй үргэлжилж, суралцагчид ихэс ахсаа хүндэтгэнзолгох, ёс уламжлалаа танин мэдэх чухал ач холбогдолтой хэмээн тайлбарлажээ. 

Уг саналыг Монголын багш нарын үйлдвэрчний эвлэлийн холбооноос Ц.Мөнхтуяа гишүүнд ирүүлсэн бөгөөд цагаан сарын шинийн хоёрон 2025 оны гуравдугаар сарын 1, шинийн гурван гуравдугаар сарын 2-ны өдрийн амралтын тохиож байгаа. 2024-2025 оны хичээлийн бүтцээр гуравдугаар сарын 3-ны даваа гарагаас хичээл сургалтын үйл ажиллагаа эхэлнэ. Энэ нь багш, суралцагчид сар шинийн золгуутаа дуусахгүй, хичээл сургалтын үйл ажиллагаа тасалдах эрсдлийг бий болгоно хэмээн үзсэнээр дээрх хүсэлтимйг гаргажээ.