Дүр төрхөө өөрчилж, гадаад улс руу гарсан Д.Наранхүүд холбогдох хэргийг шүүх эцэслэн шийдвэрлэжээ. Тодруулбал, түүнийг хахууль өгсөн хэрэгт буруутгаж, 2023 оны есдүгээр сард "Шувуу" ажиллагааны хүрээнд авч ирсэн байдаг. Улмаар Монгол Улсын хилээр гарахыг хориглох таслан сэргийлэх арга хэмжээ авч, цагдан хорихгүйгээр мөрдөн шалгаж эхэлсэн. Холбогдсон хэргийг сануулахад, Д.Наранхүү нь "Эрдэнэс Тавантолгой” компанийн Маркетинг, борлуулалтын хэлтсийн даргын түр орлон гүйцэтгэгчээр ажиллаж байсан Г.Адъяад хахууль өгсөн хэрэгт холбогдож, Эрүүгийн хуулийн 22.5 хэсэгт зааснаар шийтгэгдэж, нийтийн албанд ажиллах эрхийг нь хоёр жил хасаж, таван сая төгрөгөөр торгох ял оноолоо.  

Харин Г.Адъяаг Эрүүгийн хуулийн 22.4 дүгээр зүйл. Нийтийн албан тушаалтан хахууль авах хэсэгт зааснаар шийтгэж, нийтийн албанд томилогдох эрхийг нь таван жилээр хасаж, 30 сая төгрөгөөр торгох ял өглөө. 

Ташрамд дурьдахад, Д.Наранхүү Ш.Раднаасэдийн туслахаар ажиллаж байсан юм.