С.Эрдэнийг Чикаго дахь монголчууд эх орондоо амьдрах боломжийг хулгайлсан, дипломат боловсролгүй зэрэг 5 үндэслэлээр эсэргүүцэж байна

2025-01-23,   91

УИХ-ын гишүүн, ХНХ-ын сайд, АН-ын дарга асан С.Эрдэнийг АНУ-ын Чикаго хотод суух дэд консулаар томилох шийдвэрийг тус хотод амьдардаг монголчууд эсэргүүцэж буй. Ингэхдээ change.org цахим хуудсанд нээлттэй өргөдөл үүсгэсэн бөгөөд 1235 хүн гарын үсэг зурж, томилгоог цуцлахыг шаардаж байна. Эсэргүүцлийн үндэслэл, 

 

  •  Ардчилсан хувьсгалын анхдагч гэгдэж, 1989 оноос Багануур дүүргийн Ардчилсан намын даргаас эхлээд Ардчилсан намын дарга хүртэл намын улс төрийн алба хашиж, УИХ-ын гишүүнээр 3 удаа сонгогдсон боловч Монгол хүний Монгол улсдаа амьдрах ажиллах боломжийг хулгайлсан;
  • 2004-2008 онд Улсын нийгмийн даатгалын ерөнхий газрын дарга байхдаа нас барсан иргэдийн нэр дээр мөнгө авч зувчуулсан хэрэгт холбогдож байсан;
  • Улс төлөөлж чадахуйц дипломат ёсны боловсрол эзэмшээгүй;
  • Ёс зүйн доголдолтой;
  • Англи хэлний хангалттай мэдлэггүй гэжээ.

2022 оны нэгдүгээр сарын 6-наас хойш Монгол Улсаас АНУ-ын Чикаго хотод суух консулаар Т.Батцэцэг ажиллаж байна. АНУ-д манай 30 гаруй мянган иргэн, үүнээс Чикаго хотод 10 гаруй мянган иргэн амьдардаг.


С.Эрдэнийг Чикаго дахь монголчууд эх орондоо амьдрах боломжийг хулгайлсан, дипломат боловсролгүй зэрэг 5 үндэслэлээр эсэргүүцэж байна
Бусад мэдээ
Сэтгэгдэл
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд chig.mn хариуцлага хүлээхгүй.

Нийт сэтгэгдэл: 1
  • Сэтггэгдэл үлдээсэн: 2025-01-26 13:42:41
    чочин : Чикаго дахь Монголчууд маш зөв шийдэж ээ браво та бүхэн чаднаа чадна
Шинэ мэдээ
Бидний тухай
Үнсэн цэс
2025 © Зохиогчийн эрх хуулиар хамгаалагдсан.